اسلامی تاریخ کے حوالے سے پہلے  ماڈیول    میں ہم نے جن نظریات کا مطالعہ کیاہے،دوسرا ماڈیول انہیں  نظریات کو بنیاد بناتے ہوئے  تاریخ اور فلسفے کے ساتھ تاریخ کے تعلق کے موضوع کو آگے بڑھائے گا۔ یہ ماڈیول تین حصوں پر مشتمل ہے۔ پہلے حصے میں طلباء اسلامی تاریخ کو عالمی تاریخ کے تناظر میں مرتب کرنا سیکھیں گے۔ دوسرے حصے میں، طلبہ کو ان تہذیبی اثرات کا مطالعہ کرنے کا موقع ملے گا جس نے اسلامی فکری تاریخ کو اس کے ابتدائی دور میں متاثر کیا۔ جو بات ہم کہنا چاہ رہے ہیں اسے ایڈورڈ سعیدنے اس جملے میں بخوبی بیان کیا ہے: "جزوی طور پر سلطنتوں کی وجہ سے ، تمام  ثقافتیں ایک دوسرے سے باہم مربوط ہو جاتی ہیں، (نتیجتا) کوئی بھی ثقافت تنہا اور خالص نہیں ہوتی۔” تیسرا حصہ نسلوں  اور صدیوں کے دوران عظیم علماء اور مفکرین کے درمیان علمی و فکری تنازعات کو مد نظر رکھتے ہوئے، اسلامی روایت کو  فکری تنازعات کے ایک تسلسل کے طور پر پیش کرتا ہے۔ یہ حصہ روایت کے تصور کی تشکیل نو کرتے ہوئے اسے  ایک ایسی رسی کے طور پر تصور کرتا ہے جس کے مختلف دھاگے ہیں اور یہ دھاگے ایک ساتھ مل کر ایک تواتر کی تعمیر کرتے ہیں۔ اس رسی کا ہر دھاگا  ماضی کے ایک عالم یا ایک نسل کی ترجمانی کرتا ہے۔ اس ماڈیول کے اہم سوالات یہ ہیں:

۱۔اگر اسلامی روایت ثقافتی اور فکری  وسائل کے تنوع سے وجود میں آئی تھی، تو اس دعوی کا کیا مطلب ہے کہ اسلام کے اظہار کی روایت یکساں اور خالص ہے؟

۲۔ اگر ماضی میں  علماء کا اسلامی نصوص کے علاوہ دیگر ذرائع سے  پیدا ہونے والے فکری دھاروں کے ساتھ  ایک متحرک رشتہ و رابطہ تھا، تو  موجودہ دور میں مسلمان عصری علوم کی روایات سے کس طور پر منسلک ہیں؟

۳۔اگر تخلیقی صلاحیت اور تنازع اس علمی روایت کی خصوصیات تھیں جو ہمیں ورثے میں ملی ہے،  تو کیا آج ایک صحتمند اور زندہ روایت کی بھی یہی خصوصیات ہونی چاہئے؟

Thumbnail: Mosque. Photo Credit: Maja Ruszpel, Istanbul, 2014. Public domain.